كان نفسي اقوللك اني حبيتك
لكن علاقتي بيكي كانت علاقة صديق
كان نفسي اقولهالك من يوم ما لقيتك
لقيت نفسي بموت فيكي في نص الطريق
ياريت اقدر اقوللك اني بحبك من زمان
لحظة بس ابقى فيها جريء
انا عايز اقوللك اني بحبك وبدوب حنان
ولو ما قولتهاش هموت بالبطيء
بس خايف لو اقولها تزعلي وتفارقيني
ويموت ساعتها قلبي البــــــريء
كل مرة بشوفك بقول خلاص هقول
اول ما تقربي مني تلاقيني بقيت خجول
بتبقى الكلمة على لساني
واتكلم في موضوع تاني
والاقيني فأي حاجة بقيـــــت مشغــــول
وان كلمتيني في موضوع الحب
او شخص في يوم عرض عليكي الحب
الاقيني فجأة تحـــــولت لإنســـان عزول
بقالي سنين بصبر نفسي
وكلمة بحبك بداريــــها
مع اني في الحقيقة تجاهك
انا وحدي اللي عايش فيها
نفسي اقولهالك في يوم
بجد نفسي مني انا تسمعيها
خايف لتضيعي مني
وتقابلي حد يحبك اكتر مني
وساعتها شيء اكيد
هتحبيه وهتتخلي عنـــي
انا بحبك يا صديقتي ومش هخبي
ايوة بحبك والحب ساكن جوه قلبي
متلوميش عليا يا حياتي
ولو خايفة بجد على حياتي
قوليلي بحبك تعالي وعيشي جنبي
كان نفسي اقوللك من زمان
اني بحبك وقلبي دايب حنان
ايوة بحبك ما تستغربيش
بحبك ومش قادر اعيش
قوليلي بحبك قوليها خليها تملا المكان
بحبـــــــك يـــا صــــديقتــــي
ساحة النقاش