مجلة بشرى الأدبية الإلكترونية – قصيدة : تعديت طنجة ومكناس

 تعديت طنجة ومكناس 





قلبي معذب ويشهد كل الناس
ماقبلت غرامي و إحسدوني عليك
بين الفرح وبين غيظ الإحساس 
مدري إشلون ياحب إنسى عينيك
اتعبتني الحيرة وجاني الهوجاس
إشلون من قلبي بس أداريك
صرت يا قمر عمري بزينك محتاس
ولا انا بقادر عن عيونهم أخفيك 
حسنك فاق الحسن بكل مقياس
وكأن الزين جاك وحدك يناديك
كل جمال بالكون كان دوم نقاص
إلا جمالك كل ما كبرت يحليك
خذ كل العمر و خذ كل الأنفاس
وأسأل ربي دوم عساه يخليك
عشقي لك عشق روح وراس
ولا هو بعشق زائل ومدح يرضيك 
نزلت بحر الهوى ولاني بغواص
ولا همني الموت دامني التقيك
تعديت طنجة وتعديت مكناس
وسألت بفاس وين بس أراضيك
قالوا الزين بأرض الرباط جلاس
من نوره نعتذر ما نقدر نوديك 
وأنا جيت لك يا طبيب الباس
ألقي عليك سلامي و بقلبي أحييك 
عشقك ملكني من الراس للساس
أقدم لك نفسي وبروحي أفتديك
من أرضي جيتك أقدم لك التماس
لجل تقبلني يا حب بس أراعيك 
مخلص ووفي ولاني للعهد نكاس 
تاجي غرامك وعشقي والله أهديك 
قول تم وكل ما فيني لك حراس
تلقاني يا سيد الكون بين إيديك
انت ما وافقت على حبي و الناس
لمجرد هاجسي فيك أحسدوني عليك
قول تم وشوف بنفسك الإخلاص
وتعرف على قدرك بقلبي معاليك




 الشاعر 
فهد بن عبدالله الصويغ