مجلة بشرى الأدبية الألكترونية - قصيدة : صرت أترجاه

 صرت أترجاه





شميت العطر يوم مر و عدا 
مشيت وراه لا وقف ولا هدا
صرت اترجاه منهو انت قولي
صاح الورد قال رحيق كل ورده 
الخشم خنجر و العنق يا طوله
والرمش يقتل من زين حده
سحرني بقوامه و لون عيونه
و ذبحني بسواد شعره و قده
سألته يا حلو من وين أرضك
شاف فيا والبسمه كانت رده
تمنيت اسمع صوته يحاورني
صاح بستان قلبي وقال أنا أرضه
مشيت وراه مسحور أبي نتعارف
غمزلي و رمى رمشه على خده 
دوخت من غزال شارد بدربي
خلى القلب مسحور يبي عهده
لحقته وانا من الشوق مطعون
مطعون من غرامه وكثر صده
ليته يحس فينا ويش سوى
قلب كياني وخلاني صرت عبده
اروح له فدوه لو مره يكلمني
لو يبي القمر لعيونه والله أشده
حيرني بهواه وغير لي أحوالي
حرك القلب عقب سنين ما صدا
أه من عشق صار به كل أمالي
مدري إشلون أقوله اني أوده
لو طلب روحي أحقق له مراده
إشلون اعصاه وقلبي صار بيده




 الشاعر 
فهد بن عبدالله الصويغ