مجلة بشرى الأدبية الألكترونية - مــتـــــــــــمـردة - ديوان قولي الأن

 مــتـــــــــــمـردة 




متمردة ولا لك بقلبي أمان 
عرفتك زين قبل الأوان 
عرفت إشلون تجيبين صيدك
وإشلون تحيريه طول الزمان

شلت عن وجهك القناع
وعرفت حقيقة غرامك
عرفت معاك معني الخداع
وفهمت مقاصد كلامك

عرفت إشلون تغدرين
وإشلون تذبحين ضحاياك
من يوم شفتك ماتغارين
عرفت بردة فعلك و نواياك

كثير مثلك وزيك حكايات
قدامهم أهداف و أمنيات
لابسين القناع على طول
ويحسبونه لعبة بنات

دموعك وخوفك علي تمثيل 
كلامك وضحكك كله تضليل 
وكل ورد وعطر كان مرسول
خداع وكذب ماله أبد مثيل

قناعك طاح عليك بالقاع
فضح نواياك وأمرك شاع 
لا تحسبين اني فيك شامت
ولا كنت يوم فيك ملتاع



صائغ القوافي الشاعر 
فهد بن عبدالله الصويغ