جارى التحميل
استخدم زر ESC أو رجوع للعودة
كـــسرة الحــــب
يا كل الغلا و يا كل المواويل
كتبت فيك بأخر الليل كسرة
العمر ياخذني وعليك يميل
ويشره عليك يبي منك نظرة
مدري عنك ياقمر يوم بخيل
وانت سليل الكرم و كل نخوة
سهل الحب يا غلا بالتساهيل
خل القلب يهلل ويمتد عمره
عسى عمرك يا عمري طويل
انت أمسي و يومي و بكرة
بعيد الحب أطالبك بالتعجيل
ترى القلب قد أنفضح أمره
عطني الحب وخذ أي بديل
ولو البديل عمر قد فقد صبره
أراسلك يازين ابي المواصيل
ومن عاش الحب فهم عذره
حقك يا غلا الكون علي تخيل
وتختال بمشيك وإنت شهرة
جمالك ياهوى النفس قنديل
يجعل القلب يتقبل أسره
ماهو عيب ولا ذل ولا تقليل
إن قلت حياتي بلاك خطره
يفهم كلامي من بقلبه خليل
تتعطر روحه كل ماجاه ذكره
بعيد الحب أرسل لك مراسيل
وأقول ترى حبك يازين فطره
كتبت حبك على نجم سهيل
وحطيت حرف إسمك بسطره
صائغ القوافي الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش