مجلة بشرى الأدبية الألكترونية - مـين مثـلــك يا بــوي - ديوان قولي الأن

 مـين مثـلــك يا بــوي ؟!


مين مثلك يا بوي يعوضني
و بغيابك كل هنا عني غاب
مين مثلك بالليل يمر و يضمني
وكل حضن من بعدك ينساب
من رحلت يا بوي بعد ما تهنني 
صارت دنيتي من بعدك عذاب
راح الفرح و راح من يفهمني
صغير يا بوي وراسي شاب
أصغر ألم بالكون بعدك يألمني
ومن غبت ماعاد لي أحباب
دمعي على فراشي دوم يكلمني 
أمسح الدمع مع كل فتحت باب
لا عرفت لك صوت به تدللني
ولا ذكرى بخيالي أو كتاب
ليش يابوي تروح ولا تعلمني
وكل ما دق الباب طلعوا أغراب 
مشتاق إليك مشتاق تكلمني
وواحشني يابوي حضن الغياب
للحين شوفت شبيهك تقتلني
أحسبه انت لكن للأسف سراب
ليتك بس كنت برحيلك أخذني
ولا كان فرق بيني و بينك تراب 
مين غيرك الحين يقدر يسندني 
ويخفف الألم اللي عمره ماطاب
تصدق يا بوي للحين تحرقني
وللحين ترى دمعي عليك صباب
ست عقود من العمر و واحشني
والقلب من عقبك تراه خراب
إشلون بس أرتاح يوم فهمني
والألم مع كل يوم صار نداب
ماعاد بقي لي غير رب يصبرني
وحده من يرحمني رب الأرباب
أسأل ربي بجنة الخلد تقابلني
واحكي لك يومها مر الصعاب
سلام ياغلا انا منه وهو مني
سلام يعبر بحور ويشق سحاب
بجنة الفردوس يارب ظني
بجوار النبي صاحب المحراب


صائغ القوافي الشاعر 
فهد بن عبدالله الصويغ