مجلة بشرى الأدبية الإلكترونية - عـــرس الذيـــب - ديوان قولي الأن

 عــــرس الــذيــب 


رسلت لك مرسال يا قمر الشمال
يوصلك اليوم بيد عرس الذيب
كاتب لك فيه أه يا عشقي المحال 
حبك بالقلب صارت ناره لهيب
باقي يازين عاشق متمني الوصال
مكسور من بعدك و حالي عجيب 
غيرك حبني لكن بحبه قسم دجال 
يحسب انه يخدعني بكذب رهيب 
جايك ياغرام اعدي بحور وجبال
لجل اتهنى معك بالرفقة قريب
إشلونك حياتي يا عيون الغزال
مشتاق لعيونك يا أغلى حبيب 
متمني أشوفك شبعت من الخيال
متمني سهام عينك لقلبي تصيب
أعد النجوم في الليالي الطوال
ألقاك بينهم يا قمر عمري ما تغيب
من فكري بيك دايم بالبال جوال 
ساكن القلب وانت له دوم ترطيب 
على عهدي يا زين أرسلت مرسال
وعهود الغرام ياعمري أبد ماتخيب 
من عشقتك والقلب أبد ما مال
إنت ياروحي للفؤاد والله الطبيب
قرب نلتقي يازين الحسن و الدلال
ونرجع أيامنا الخوالي لجل نطيب
سلام من القلب أرسلته للجمال
عساك تقراه وعلى رسالتي تجيب
مشتاق لنظرة عيونك بلا عذال
مشتاق أشوفك بلاقريب ولاغريب
وحدنا بين النجوم نقيم إحتفال
ونحقق المراد ونتم ياقمر النصيب


صائغ القوافي الشاعر 
فهد بن عبدالله الصويغ