قصيدة : كلمة حق

كلمة حق

كلمة حق لازم تتقال
اللص قالوا عنه شريف
الشرف بزمنا صار للأنذال
والعالم إتقله إنت سخيف
الأمين قالوا عنه محتال
ألشهم خونوه بسرقة ضيف 
الطبيب بقى يقول موال
والمطرب صار مضيف 
كلمة حق بالإجمال
الدنيا بقت يا لطيف
الجمعة حكم و أمثال
وباقي الأسبوع تخاريف
العوطلي سياسي مقال 
و الجاهل بالعلم حريف
كله بقى شاعر وزجال
والذوق بقى شي مخيف
رقاصة قالت الرقص حلال
وبيأيدها الف الف حليف 
قالوا كله ماشي شمال
حتى الست بتعت الرغيف
لاعب الكورة حالته عال 
والتمثيل إتملى حلاليف
دنيا عجيبة مليانه إنحلال
و المدرس مالوش توصيف
قالوا ع النزية بطال
والحقاني تافه و ضعيف
الوحشة بقت بفلوسها غزال
الحلوة بارت مالهاش وليف
دكتور بينصب لجل المال 
وشهادات مضروبة ياخفيف
مهندس بيبني فوق الرمال
واساسه شوية تناتيف
الكاتب إتقال عليه دجال 
واللحمة بقت تمنها تكاليف
قالوا الظابط مرتشي ياخال
والقاضي بقى حكمه توليف
يارب يا عالم بالأحوال
محتاجين للدنيا تعريف
نفسي أسأل ميت سؤال 
لما كلنا شمال فين الشريف
بكلامكم حياتنا بقت غربال
إكبروا بقى بلاش تخريف
لسه الدنيا فيها أجيال 
حتبني وتزرع لعمر نظيف
كلمة حق بطلوا إستهبال
شككتونا في كل عفيف

صائغ القوافي الشاعر
فهد بن عبدالله الصويغ