ليلة الجمعة

ليلة الجمعة

الليلة دي ليلة جمعة
والفرحة هلت بالجمعة
عريس و جاي حاببها
عجبته وهو عاجبها
و نوره طفى ميت شمعة

يالله نفرح ونغني
وبالحب يالله نهني 
عرسان يا مشاءالله عليهم
وكل الحبايب حواليهم
ومأذون العيلة مستني

الفرح خلاص دخل بيتنا
ونور معاه حتتنا
وزعوا الملبس وبيلوا الشربات
زغرطوا وأرقصوا يا لله يابنات
الليلة ليلة فرحتنا

رقصوا العريس و العروسة
وإدوا العروسة ميت بوسة
هنوها بيوم فرحها 
يارب يكتر أفراحها
عروستنا من العين محروسة

عريسنا راجل ملو هدومة 
جدع و عترة من يومه 
شال عروسته ما بين الناس
راجل مجدع كله إحساس 
وعام القلب على عومه

زغرطوا يا بنات للعروسين
وخلوا فرحهم سنة و شهرين 
أهي لا بسه الطرحه غنولها 
إسقوا الشربات و قولولها
مبروك عليكي يا نور العين

صائغ القوافي الشاعر 
فهد بن عبدالله الصويغ