أرتقي بالحياء

تربيت على الحياء و كلمة العيب
وربي عطاني فوق قدرتي عزيمه
ما أعاشر النذل ولو كان قريب
صحبتي دايم لأصحاب الحشيمه
يلفظ لساني الحرف بعد تهذيب
ولا يداني صاحب اللهجة العقيمه
شأنك وحدك تكون حسيب نسيب
لكن شأني إختيار صاحب الشيمه
تأدب بكلامك ولا تجرح و تصيب 
على قدر كلامك تستحق قيمه
صاحب السوء يجعلك معه تخيب
وحياتك تصير بدنيا الكرام عديمه
إرتقي بلفظك و للعقل إستجيب
مهوى النار لسان كثرة مخاصيمه
التزم بعقل الأدب و حذاري تعيب
على ناس أمورها مستقيمه
من يضحك لك باكر عليك يعيب
وتسمع منه ألفاظ عليك وخيمه
لا تقول الجهل قسمه و نصيب 
القرار لك إما عظيم أو بك وصيمه
لا تغتر بسفيه كل شيئ به عجيب
تضحك اليوم وباكر تلقى الذميمه
صاحب العاقل و الفاهم و اللبيب 
و إبتعد عن اللي ألفاظه لئيمه

صائغ القوافي الشاعر 
فهد بن عبدالله الصويغ