يا يمه عرفت اليوم معنى العذاب
يوم حطيتك بيدي تحت التراب
بعدك عني يايمه هالني وأشقاني
ما بقالي ياقلب غير دعوة تستجاب
فراقك يا زين عذبني وأضناني
خلاني وحيد مالي أهل وأحباب
الكون كله ماعاد له قيمة بوجداني
الكون كله أشوفه بعدك سراب
مالي غير الصبر على ما جرالي
وأسأل ربي يزيح عن عيني الضباب
بنظرة عيني الكون صار فاني
وكأني أعيش مابين غربان وكلاب
مرعبة دنيتي بعدك ياقلبي الحاني
كل من حولي أشوفهم نسور وذئاب
فقدت الأمان يايمه وكأني جاني
خايف من بعدك من كل الأغراب
ليتك أخذت بدنيتي مكاني
وكنت أنا يا ميمه تحت ذاك التراب
ربي يرحمك ويغفر لك يا أشجاني
ويجعل مقامك بعليين يوم الحساب
سألت الكريم ربي عزي وأماني
هو خالقنا والرحيم ياست الأحباب
ساحة النقاش