مساء الخير والمحبة والشوق يا يمه
مساء الخير والعشق يا زين يا زين
يا قلب ماعاد أقدر اليوم أضمه
مساء الخير ياست الغلا و الحلوين
باقي عطرك بقلبي أقدر دوم أشمه
ولو كان غيابك الأف الأف السنين
أحبك وأعشقك يا زين ذيك البسمه
اللي تركتها بقلبي ياغلاة جوة العين
أدعيلك ياقلبي بصلاتي بالظلمه
وأسأله يستجيب رب العالمين
مالي غيرك بالكون اليوم أحبه وألمه
ولو كان يا أغلى الغلا كل الملايين
قسم أحرقني غيابك وصرت بأزمه
مالي خاطر بدنياي ولا لي بعدك معين
مين يسكن خاطري بأنين العتمه
مين يمسح دمعتي بعدك يا زين
أسأل ربي الرحيم يزيل عني الغمه
ويصبر قلبي على فراقك ليوم الدين
يارب يا رحمن أنزل على أمي الرحمه
وأغفر لها مغفرة كريم يارب يامعين
أجعل مقامها بجنة الخلد يوم الرحمه
وأسكنها يارب عليين هي والمؤمنين
ساحة النقاش