جارى التحميل
استخدم زر ESC أو رجوع للعودة
قولوا لمصر
قولوا لمصر في واحد هناك بحبك
واحد من برة ترابك بس بحبك
عاشق لنيلك وعاشق ترابك
وعايش دنيته يتمنى قربك
قولولها شعره كله علشانك
وأنه إتعلم الشعر من غزلك
خلوها تعرف إني بحبها موت
وإن عشقها بقلبي حاجة تانية
وإن صوتها غير فيا كل صوت
علشان صوتها صوت أم الدنيا
وكل شيء في الدنيا مسخوط
والف يوم على أرضها يبقى ثانية
بحبها ياناس وحبها جنة خيالي
عايشه بقلبي ولا لها بالكون مثيل
لما بشعر بالحيرة بتنعم عليا بوصالي
سلمولي عليها دي مصر بوادي النيل
الحب اللي جواية للسما عالي
أرض الحضارة والشعب الجميل
قولولها لما تيجي سيرتك بيدوب
وخيال صورتك بيخلي العشق بعينه
قولوا لمصر عن حبها مش حتوب
ويكفي إنه عاش فيك أجمل سنينه
قولولها إتعلم منك قلة الذنوب
وإن الغرام فيك كترت طواحينه
قولوا لمصر إنك ملكت قلبه بالغرام
من صغر سنه وهو شايفك حياته
رغم أنه مش بترابك بس يا سلام
لو يعيش فوق ترابك ليوم وفاته
تحت سماك يامصر للشجر أنغام
والبحر على أرضك إتغير صفاته
وفي الختام قولولها عشقك جنته
وأنه من غيرك مايقدرش يعيش
وإن كل حاجة فيك كل ضحكته
وإن عمره مايقدر يبعد ومايجيش
سلمولي على شعبها قائد حريته
اللي في الكون كله زيه مفيش
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش