جارى التحميل
استخدم زر ESC أو رجوع للعودة
سرق قلبي
قولي احبك بس إزاي
وإزاي أخليك تحبني
قولي بس مره إزاي
تاخدني بعينك وتضمني
لو قلت بحبك مش عارف
حتحس بيها ولا ( لأ )
لو قلت بعشقك يمكن
تقولي قلبك لسه ما دق
طب اعمل ايه وياك
وانا تايه من غير دليل
داب قلبي في هواك
يا حلو يا أسمر ياجميل
رق مره وحس بقلبي
خلي ناري تبرد شوية
حس بيا وتعالى جمبي
قلي بحبك بحنية
ماتخلينيش عايش كده
مش عارف بتحبني ولا ( لأ )
دا حبك ليا كل الرضا
ياريت تقولها مره بحق
عايز اعيش دايمآ بقربك
واغني للطير لحن غرامي
عايز اعيش جوة قلبك
واقول للكون بحب حرامي
سرقني بنظرة من عينيه
وسرق القلب من غير كلام
خدني من أرضي لأراضية
جنة حلوة كلها أحلام
قولي احبك بس إزاي
وإزاي أقدر أدخل جنتك
قولي أحبك بس إزاي
دي الدنيا هي ضحكتك
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش