جارى التحميل
استخدم زر ESC أو رجوع للعودة
غرامي اللي كان
خد بالك لما تحتاج يوم للأمان
إرجع لقلبي وافتكر الحب من تاني
ولما يغضب عليك تاني الزمان
حتلاقيني منتظره أخدك بأحضاني
صدقني اللي مابينا ماكنش حب
داه شيء أكبر من الحب بكتير
اتعدى مرحلة انت قلب وانا قلب
داه حب مالوش وصف حب كبير
لا البعد عنك حيقدر ينسيني حبك
ولا الأيام والليالي حتقدر كمان
وإن إفترقنا حفضل برضه أحبك
ولو أخدنا الزمان لبحور النسيان
مش بكيفك ولا بكيفي القدر
ولا بأدينا قلوب عاشت في غرام
لا حينسيها خصام أو بعد وسفر
ولا يغلبها هجر وفراق أصله هيام
دنيا العاشقين دنيا ملهاش زي
ولا تصدق أن حد فرق بين إتنين
دا القلب للقلب يا حبيبي ضي
ولو الدنيا كلها ضد العاشقين
الحب حيبقى في القلوب ساكن
لحد مايجي يوم ويرجع نوره
حتفكرك بيه غصب عنك الأماكن
وكل مكان كنا زمان بالحب نزوره
سافر إبعد هاجر فارق مش هاممني
لأن مكانك هنا جوايا بينور قلبي
إبعد قد ماتبعد عمرك ماحتحرمني
من غرامي اللي فيه ساكن حبي
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش