جارى التحميل
استخدم زر ESC أو رجوع للعودة
حبك جناين نور
من يوم مافتحت عينايا ع الحب
لقيت قلبك بياخدني بالأحضان
لمست إيديك إيديا بعد القلب
وقلبي بحبك بقى طاير و فرحان
مين غيرك يا قلبي يقدر يفرحني
ويخلي الدنيا حواليا جناين نور
مين غيرك يا قلبي يقدر يسعدني
و يخلي بحر الغرام كله زهور
دنتا للروح النعيم وللقلب الطب
والحب اللي ماينسيهوش نسيان
دنا قلبي غيرك ما يعرفش يحب
يا ملاك القلب بصورة إنسان
بشتاق إليك وانت جمبي هنا
ولما بتبعد بعيش على ذكرياتك
إتنين ياروحي لكن روحك هي أنا
بتعيشني هواك بصورتك ونظراتك
معاك الحب عمره ما كان عذاب
ولا كان فيه أسية وحزن و ندم
دنتا خليت العمر يوماتي شباب
والنجم بحبك نسى للعشاق الألم
وانت بعيد أسهر على لحن حبك
وانت قريب بملك الدنيا بكلامك
بكلمة منك يملكني شوق قلبك
ولا أقدر ياقلبي يوم على خصامك
لا دنيا تستحمل عذاب فراقنا
ولا قلبي يقدر ثانية على فراقك
دحنا مخلوقين في دنيا بتجمعنا
والحب مخلوق يا قلبي بأشواقك
هو دا الحب اللي عشت عشانه
أدور عليه في كتب العاشقين
لولاك يا قلبي كان نسيت زمانه
ونسيت مين في الدنيا حب مين
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش