مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : الغبي و أنا

 الغبي و أنا 



ما أبيك ولا لقربك يوم أشتهي
تراني أعوف إسمك وكل طاريك
أبد ماني لقلبك يوم كنت أنتمي 
ولا بخاطري أبد يوم كنت ألتقيك 
لاني كنت ملاك ولا كنت إنت بنبي 
وقلبي من صميمه تراه ما يدانيك 
إيش تبي من جيتك لي أيش تبي
خلني بحالي وأسرح بعيد بأراضيك 
غيرت من عشرتك دروبي و مذهبي
ونزعتك من قلبي لجل بالثرى أرميك 
مالك مكان بقلبي اليوم يا غبي 
تراك بتلعب بجحيم نار راح تكويك 
لو تبكي عيونك دم وتجيني حبي
ماعاد تحلم ولو ثواني أفكر بيك 
لو تأكل رمل و ترجع الكبير صبي
وتجمع نجوم الكون لي ما أبيك 
لو تخلي الجان يحقق كل مطلبي
و تطوف بدمعك علي ما أرسيك 
مثلك بخطاه كان لازم يختبي 
وتكون غبي تفكر إني أحتريك 
مركبك ياناكر المعروف غير مركبي
ودربك ظلام إشلون تبيني الاقيك 
لغيرك صار قلبي مسبي سبي
ولاني بغدار لجل أغدره وأجيك 
تذكر إني كنت لعهدك دوم وفي 
لين عرفت قدرك وانكشفت مساعيك 
ما أبدل الذهب بصفيح دوم صدي 
ولو كنت زادي قسم بربي ما أشتهيك



صائغ القوافي