مجلة بشرى الأدبية الإلكترونية / الشاعر الكبير :صائغ القوافي / قصيدة : أكرهك

 أكرهك 





أكرهك من يوم صابني جرحك
و أنا من صميم قلبي أكرهك
كرهت إني كنت يوم أعرفك 
وكرهت كل من كان يعرفك
لا أبي من يذكرني أبد فيك
ولا أي شيء بالكون يفرحك

ذكرياتك نقطة سودة فيني
ومن ذكرياتي قدرت أمنعك
ذكرى فعلك بالكره دوم يغذيني 
ولو كنت حبل للود بأقطعك
أكرهك وقد طحت من عيني
ولا عاد شي بالكون يرفعك

لا حب ولا وفا ولا إخلاص
ولاعادت لك الأشواق تقنعك
لا ضمير ولا عاد لك إحساس
ولا تدري من يضرك أو ينفعك
جاهل والجهل فيك بلا مقياس
وراح يجي يوم من يردعك

كل وعودك كنت بها كذاب 
وكل أيمانك تخالف الحقيقية
نصاب بالحب و للعهد نصاب 
وخدعت غيري بالف طريقة
من دق الباب يلقى الجواب
وقصة نهايتك بالخداع عتيقة

لك يوم تذوق فيه الوجع 
وراح تتذكر بعدي كل خطاياك 
كل صانع حتمآ يذوق ما صنع
أصبر وأنتظر بالطريق تراه جاك
اليوم حبك من قلبي قد آنقطع 
وربي يعينك حيل على بلواك





صائغ القوافي