مجلة بشرى الأدبية الإلكترونية للشاعر الكبير : صائغ القوافي – قصيدة : أبكي عليك لا

 أبكي عليك لا 







إن بكيت عليك أبكي بقلب محسوف 
من هدمت قصة غرامي و رحلت
بغدرك لي تملكني الرعب و الخوف
ماشي بدنيتي وإحساسي إني فشلت 
تذكر ضحكتك اللي كنت دايم أشوف
اليوم أشوفها بيك من يوم تبدلت 
ضحكة ما بيها عدل ولا نصوف
ضحكة غادر بحبي به وحده إنشغلت
كل شيء بالكون معوض و مخلوف
إلا غدرك لي ليتك بقلبي ما سكنت 
غدرك لقلبي كأنه طعنات سيوف
شكرآ لك حبيبي و الله ما قصرت 
راح تلقى غيري وبدالي ألوف و ألوف 
وراح تتغير عليهم مثل علي ماتغيرت
نارك أحرقتني و قد صابت الجوف
من أنكرتني و على حبي ما شكرت 
جعلت قلبي الوفي عليك موقوف 
لكن حسافة تركتني لدنيتي وتنكرت 
يسألوني تبكي أقول لا بس مطروف 
خايف من الشماتة لأنك بي لعبت
خلك بدنياك ياقاتلي اليوم لين تشوف 
تشوف إشلون برماحك قد قتلت 
نفس كأس الحزن عليك يا الفيلسوف
راح تذوق مراره و تذكرني لو ذكرت 
اليوم غصبن علي أبكي وأنا مكتوف
لكن قريب راح تحس بنار من غدرت
دام الغدر لك كان دوم موصوف
تصبر شوي و راح تعرف من هجرت
تصبر شوي راح تذوق العذاب صنوف 
وتبكي دم على خسران من خسرت
راح تلف علي وتدور دوم و تطوف 
لجل أنسى ظلمك يوم تكون تدمرت 
اليوم إنت بغيري و بسحرها مخطوف
يوم تروي ظماك أكون قد غبرت
أبكي عليك لا لكن على الظروف
اللي خلتني بالردي يوم تعرفت




صائغ القوافي