مجلة بشرى الأدبية الأليكترونية - الشاعر الكبير / صائغ القوافي - قصيدة : أعترفلك يا يمه

أعترفلك يا يمه




أعترفلك إني معاك دائمآ مقصر 
و خايف بعد غيابك لحياتي أتحسر 
أعترفلك إني خايف و إني مهموم 
كأني بكابوس و مقدر لمنامي أفسر 
إنت كل شيء في حياتي ودنيتي
والكلام عنك بالغلط دوم خط أحمر
الحب إنت و الحنان إنت و الأمان 
والدفئ إنت ومن الكون أكثر و أكثر 
أعترفلك ما عطيتك يوم قدر قدرك 
و إنشغلت بدنيتي لجل أنا دوم أكبر
تناسيت قدرك و تناسيت تضحياتك 
و أعتذرت لنفسي بعذر تافه بإني مقدر 
أدري عذري خطأ و أدري إنه تقصير 
لكن صدقيني برعب رحيلك أنا أسهر
جعل ربي يومي قبل يومك يا غلاتي
يا قلب وليدك اللي بيه العين تبصر
إنت عزي وإنت تاج راسي وانت جنتي 
وإنت من الكون الباقي يا ميمه أطهر
ليتني أقدر و لو مره أكسب رضاك
لكن إشلون وفضلك عظيم لي و مصدر
أمي يا جنة حياتي يا عطر كوني 
سامحيني إن كنت بحبك مقدر أجهر
الحب عندي إحساس ماهو نطق كلمة 
لكن صدقيني حبك بقلبي نهر يكبر 
لجلك أبيع روحي و افداك بعمري 
و بيك وحدك يا غلا الكون أنا أفخر 
سامحيني إن يوم عصيتك بجهلي 
و إنشغلت بدنيا غيرك أيام و أشهر 
خيرك كثير و فضلك أبد ما أنساه 
ربي يديمك و يحفظك لي ربي أدهر 
بلاك يا يمه مقدر أعيش أو أكون 
أو أمشي بين الناس و بدنيتي أتبختر 
سامحيني على جهلي وقلت عقلي
سامحيني يا يمه و أدري إني مقصر
ربي يعينني على رضاك دوم أسأل 
وأعوضك عن كل مافات لين أقبر
يجزاك ربي عني كل خير يا نور عيني
ويحفظك لي ويرحم كل أم بكل مهجر



وليدك
صائغ القوافي