وسكنتك
مابين الآهه والشريان
ملامح جرح
فى عمرى
وصوت الحرف
فى وريدى
فيا لغتى اللى عصيانى
بلاش يخضر فيك اليأس
ويطرح خوف على لسانى
فروعه محاصره تنهيدى
تضفر موتى فى ملامحى
ولسه بشرتك قمحى
تخلينى ادوب فيكى
ياحلوة حلوتك شهد ربينى
يا اهة وسرخة وخدينى
وسيبنى فى ليل عتمة
يا سكنة القلب والوجدان
ياحفرة فى وريدى الصمت
كتاب مفتوح على جارحى
بقولك اية متخدينى
مابين حضنك تضمينى
وبحلفلك انا عشقيكى
ووحياتك لجبلك فجر
ووضيكى نصلى الفجر انا وانتى
ونكتب فى التاريخ نصرك
واكتبلك حروف اسمك

فى طاقة نور وهعملك
عقد على صدرك وكله نجوم
ووحياة ربنا المعبود لعدى حدود
واجبلك شمس نورة
تنور ليلك العتمة
===========================