مش هصدقكi لو قلتلى أنا بعشقك
ما بقاش في إيديك غير خداعى للأبد
شبح المثالي اللي انت رسماه مات خلاص
بقي مسخ زي الدنيا خسران ضحكتك
مبقيتش بصداق خلاص كلامك
وتبنطفى في الضي اللي لسه بيتولد
ما بقاش ف إيده بس غير ريحة الشجر
من رسم كان على قلب مفرود للسما
ومن احتمال للهجر
للخوف
للمطر
ومن مصاحبة للدموع اللي ابتدت
تزحف على أطراف القصايد بالشجن
مع ذكريات ما بقاش ف إيدى اى شيء
لعدوان الزمن
صورة قديمة لجرح لسه ف أوله
ولحد لسه بيعشقك على قد حاله
ولقلب مشدود بين حموله واحتماله
ولصفحة بيضا
وقعت عليها دواية الحبر الغبي
من كتر ما انت فوق تصاوير البشر
فوق المدارك والشعور
خارج قوانين الطبيعة
بره المدار
من كتر ما انت بعتنى
نبض القصيدة بتوجعك
تفتح بيبانك ع البكا
وتسيب حكايتك للحياة
أنا شلت قلبي من القصايد كلها
وجيت أشيله من قصيدتك قاللي لأ
أنا أموت قصادها زي ما يموت الهوى
ولا أشوف حنيني فوق حبال الجرح
قصة بتتشنق
كل المشاعر خرسا قدام دمعيتى
قدام روايه ورقها كله بيتحرق
قدام كلام كان حلو
في متن القصايد
ع الورق
ولحد لسه بتحسى في الشعر وياه بالقلق
خلاكي وانت بترسمي الدنيا الجميلة تشغبطي
حتى على وشوش الملايكة
وتخلي حواليكي حدود أسوارها شايكه
وتشكي حتى ف ابتسام الورد ليك
وف اصطفاف اللحن قدام غنوتك
صورة قديمة
كلامى كله لحب خان
باع الهواى بارخص تمن مبقاش خلاص فى احتمال
للرجوع ودة قرار انت ظلمت وقلبك خان
نشرت فى 17 مارس 2013
بواسطة emean
