صرصار راكب موتوسيكل
ــ طب ناس دخلو شقة عرفو ان فيها صراصير ــــ عرفو ازاي؟
لقو الموتوسيكلات راكنة جنب البلاعة
ــ تعرف تقولي فرقين بين الليمون والزيتون؟
فيه ليمونادة بس مفيش زيتونادة
تقدر تقول الناس لاموني بس متقدرش تقول الناس زاتوني
ــ طب تعرف تقولي 5 فروق بين البطة والوزة ـ انت تقدر تحلق شعرك زلبطة بس متقدرش تحلق زلوزة
ـ فيه رحالة اسمه ابن بطوطة بس مفيش واحد اسمه ابن وزوزة
ــ تقدر تبلبط في المية ومتقدرش تبلوز
ــ كلنا بنتغطى بالبطانية ومش بنتغطى بالوزانية
ــ الوزة كانت زمان بطة لكن الشيطان وزها
ــ طب تعرف تقولي 5 فروق بين الفيل والنملة همممممم
رجل الفيل ممكن تنمل لكن رجل النملة متقدرش تفيل
البيت ممكن يبقى فيه نملية بس ميكونش فيه فيلية
تقدر تاكل سمك فيلية بس متقردش تاكل سمك نمليه
كل واحد فينا له بروفيل ومالوش برونملة
you can feel but you can't namla
ــ ايه الفرق بين الفيل والبرغوت
الفيل ممكن يتملي براغيت لكن البرغوت مش ممكن ابدا يتملي فيلة
ــ ايه عكس زمان
the woman
ــ طب ايه عكس نجوم
نجعد
ــ ليه القطر بيصفر قدام الاجزخانة؟
عشان القطرة تطلع
ــ ليه الكاسيت مش بيخلف
عشان بنحطله شريط
ــ ليه الكتكوت مش بيعرف يكدب على الفرخة ؟
عشان هي اللي فاقساه
ــ ليه القطر بيقف على المحطة ؟
عشان مش بيعرف يقعد
ــ طب وليه بيمشي بعد كده
عشان زهق من كتر الوقفة
ــ بيضة وقعت من طيارة ومتكسرتش ــ تفتكرو ليه؟
ربنا ستر
ــ طب بيضة وقعت من البرج ومتكسرتش ــ تفتكرو ليه؟
وقعت على الناحية اللي مغسولة بمعجون اسنان كرست
ــ ازاي نحط غزالة في التلاجة على 3 خطوات؟
نفتح التلاجة ونحط الغزالة ونقفل التلاجة
ــ طب وازاي نحط فيل على 4 خطوات في التلاجة؟
نفتح التلاجة ونشيل الغزالة ونحط الفيل ونقفل التلاجة
ــ طيارة شايلة اجهزة كهربائية وحصل عطل ولازم نرمي اي حاجة منها نرمي ايه
نرمي ايه
نرمي التلاجة عشان دي اتقل حاجة في الطيارة عشان فيها الفيل
ــ واحد بيعوم في وسط المحيط وفاجاة مات ــــ تفتكرو ليه؟
التلاجة اللي فيها الفيل وقعت علي راسه
ساحة النقاش