امريكا ليه الفرعنه
.............................
امريكا دى متفرعنه
عايزه حد يلمها
وبحق رب السما
بكره العرب هتزلها
وان كانت عامله معلمه
وايديها طايله معلمه
احنا اللى هدينا العروش
بسيوف جيوش مسلمه

من طيبه بدأنا الملحمة
الوحدة كانت صفنا
ابطال على راس الجيوش
والكرسى شادد عزمنا
الله اكبر م القلوب
صرخة تهز عدونا

هزمنا جيوش بالالوف
ماكنش فينا من طمع
ولا يوم عرفنا اى خوف
ولا حد فينا يوم لمع
السيف ف ايدنا والكتاب
تشهد علينا قد سمع

اتوحدت كل العرب
براية واحده فى السما
الكل هاب المسلمين
حب الشهادة كان منى
لكن المطامع والفتن
هدت كل اللى اتبنى
واتقسمت امة عرب
جمعتها ايات السما

شافت اليهود بدأو الفتن
الامة عاشت ف المحن
بدأت تحارب بعضها
القدس ضاعت منها
وبكو سينا وارضها
وعراقنا ضاعت عزها
وليبيا ويا السودان
بخيانة قسموا ضهرها
وبرغم بكاء الجولان
سوريه دم فى ارضها
واليوم فى مصر الشر بان
لكن بجيشها وشعبها
خلوا اليهود والامريكان
م يقدروش على ارضها
لو حتى بارهاب جبان
باقية حرة بشعبها

ازاى ياشر هتنتصر
بعد م سقط المطر
وربيع امريكا بقى شتا
وعميلك بايدينا انكسر
امريكا كفاية فرعنه
متحكمة خمسين سنه
صلاحية راحت وانتهت
لمى كفوفك عننا
واوعى تكونى مفكرة
ان المعونه تهمنا
خلاص م بانت لبتك
وعرفنا مين عدونا
وبكرة جاى وبفرح
وجيش عروبه يضمنا
مافهش خاين او عميل
وتعود رايتنا فى السما

ساعتها يحلا الفرح
ونعلى صوتنا بالغنا
امريكا المتفرعنه
جالها اللى يلمها
............................................
االقروى الساخر
عبدالهادى الشعراوى