<!--
<!--
ارحــــــــــــــل
أنا مش خايف وأنا بتكلم
أصل القيد بإيدينا إتأمم
كنا زمان عايشين صابرين
هم وحزن وجلد يعلم
كان فرعون جلاده سليط
يجلد يشنق ما بنتكلم
يخرس يدفن كل لسان
صاح بالآه أو حتى اتكلم
عصر فساد نظام مفلوت
خلى عصاه ع الجتة تعلم
طفح الكيل بقلوب عطشانه
ووشوش حزنانة
قالوا كفايه فساد فى كنانة
نهر النيل فيها بيعلم
قامت الثورة من التحرير
رافعة شعار التغيير
يسقط يسقط سيف سياف
زرع الصمت فينا وكمم
إرحل إرحل يافرعون
خلّى النيل يغسل ويلملم
خلينا نبنى مصر الحرة
من غير جلد ولسعة جمرة
خلينا ننسج توب الخضرة
لأرض الرملة
نبنى نعمر نحمى حضارة
أرض النيل بمبادىء الثورة
ننفض كل فساد بإيدينا
نرفع راية مصر الحرة
وعشان نعلا ونعلا ونعلا
لازم نعرف أعداء جوه
أعداء بره
مين يحابينا مين يعادينا
مين سابقنا ومين يساوينا
مين بالحب يمد ايديه
مين طمعان فى خير الأمة
إرحل إرحل يافرعون
كل الشعب صحى م النوم
عرف السكة م عاد هينام
عصر الصمت م عاد له وجود
ولا هيعود ولا هيكون
الشاعر / عبدالهادى حامد الشعراوى
المحلة الكبرى –غربية
ساحة النقاش