<!--
<!--
خايــــــــــــــــف للشاعر / عبدالهادى حامد الشعراوى
الهياتم - المحلة الكبرى – الغربية
ت- 01275385363
خايف تموت الفرحة جوّه العين
وأرجع أمد إيديه لأتنين
وألبس قيود الظلم والظالم
يفرد دراعاته على الميادين
خايف يعود الشر من تانى
ينسج خيوط الاه بوجدانى
وتعود نفوزه وأبقى الجانى
بإشاره منه العدل ينسانى
خايف عليكى يامصر م الفتنة
من الخيانة والريحة النتنة
اللى ترجع حزب ع الموضة
ينهش عظامك ويّا الجته
خايف يعشش فيكى حراميه
خايف وخوفى شايفه بعنيه
فى ساسة ركبوا الموجة والميه
عشقوا الخيانة ويا التبعية
خايف لضي الثورة يهاجر
من شلة فى الضلمة بتعافر
علشان تعود للساحة من تانى
والكرسى يجلس فوقه لو كافر
خايف أموت م الجوع أنا وأهلى
والنيل يجف وطميه يندهلى
خلاص ياشاعر موتوا الغنوة
حبسوا المشاعر إزاى أشوف أهلى
خايف ليرجع حزب من تانى
ينشر سواده ويمحى ألوانى
ويذيد همومى ويبكى وجدانى
ينهب حقوقى وخير أوطانى
خايف عليكى يأم توب أخضر
خايف لتوبك يبقى يوم أحمر
وتدور رحى الظلم من تانى
ولون الصفا يرحل من المغفر
خايف وخوفى والله له أسباب
جامعات واتلافات وأحزاب
الكل عايز الكرسى والمحراب
وإحنا نعود للضرب بالقبقاب
وبرغم إيمانى باللى حاميكى
وطور تجلت به أراضيك
سمع النداء والدعاء ليكى
خايف يامصر ونفسى أفديكى
ساحة النقاش