قصيده بعنوان : عاشق جنابك
*************************
يعنى ايه فيه انتفاضه
عن معنى مش موجود للحياه
.
ويعنى ايه تموت الاراده
وتسمى ايه ظلم القضاه
.
يلى بتسأل عن السعاده
فى قلبى جرح بألف اااااه
.
خيرونى بين حاجتين وكل
واحده فيها الف لااااااااااه
.
يا ابقى عاشق للشهاده
يا اعيش ذليل صفا وانتبااااه
.
يا ابقى عاشق للبياده
يا عيش فى وطنى مع الغزاه
.
يا نرضى بالظلم عباده
ونرضى ب حكم الطغاه
.
يا اقول حى على الاباده
وابقى معى صحبى وراااه
.
يا اعيش فى طعم كله ساده
يا ابدأ فى نفاق الولاه
.
متدمعيش يا امى لو حاسه بالشهاده
لو مت رايح للى معبدتش سواه
.
ولو هوحشك وده طبيعه وعاده
اذكرينى فى كل صلااااه
.
وانى مت وبحلم ببلدى فى الرياده
زى ما حكولنا الرواااااااه
.
قولى لاختى انى عايش احلى عيشه
لا فيها ام بتبكى لا حد زعلان على ضناااه
.
قولى لابويا متزعلشى انك ربيته ومات
وانى ميت بس لسه ببتغى رضاااه
.
وقولى للبنت اللى حبيتها وسبتنى
انه مستنيكى هناك نكمل حبنا لمنتهاااه
..
وليا صاحب جدع هيزعل اوى
قوليله كان نفسه تبقى معاه
.
بس هو اختار يا عاشق للاراده
يا عاشق للبياده وذل الحياه
بقلمى : احمد الاحمدى