صدقنى الموضوع مالوش علاقة خالص بحماتك الموضوع له علاقة بالحوادث اللى كل يوم بنسمع عنها اللى من النوع الثقيل وعلى فكرة مش هو دة اللى خدناة من الثورة ولا حاجة، الموضوع قديم اوى من ايام المخلوع، وله اسباب كثيرة من اول المسئولين اللى قاعدين فى التكييف ومطنشين مرورا بخارطة الطريق اللى زى الفل والانفلات الامنى اللى مش بس من بعد الثورة لا دة برضو له جزور الى ان نصل للسائق نفسه وعدم التزامه بقوانين الطرق ؛ ومن اكثر المناطق اللى ليها نصيب الاسد من تلك الحوادث كوبرى اكتوبر الذى قال عنه احد السائقين الذى يدعى( احمد فتحى) انه من اكثر الكبارى اللى فيها حوادث وخاصة نزله عز العرب التى على حد تعبيره نزله الموت والهلاك ،وكذلك كوبرى الازهر و15 مايو اللى قال عنه مصطفى ابراهيم احد سائقى العربيات السوزوكى الغير مرخصة اجرة ولكنها معروفة فى تلك المناطق (الازهر والغورية ووسط البلد والعتبة)انها تعمل اجرة ان ذلك الكوبرى اسفلته ناعم يعنى اى مطرة ولا شوية ممكن بمنتهى السهولة تحصل حادثة وكذلك من اهم الكبارى والطرق السريعة التى تربط مناطق كثيرة فى مصر؛ الدائرى الذى اطلاق عليه احد سائقى النقل انه كوبرى زفر!!!!!!!!!!!!!!!!!!!!!!
يعنى انة لم ينجو منه احد الا من رحم ربى فتشاهد علي هذا الطريق سيل من الحوادث مقطورات وميكروباصات يعنى حوادث من اللى لم ينجو احد وتلك حوادث ليست بحالت فردية لا دية متكررة وباعداد كبيرة فان ذلك الكوبرى تصعد علية النقل والمقطورات والسيارات العادية
هو صحيح بتبقى فى ردارات بس على مسافات بعيدة وعادة تلاقى السواق مبرشم مبرشم!!!!!!!!!!!!!! ما فيش سواق ما بيخدش حاجة خصوصا لو مسافر مسافات طويلة واكيد لازم تحصل حوادث كل يوم كل ساعة كل نص ساعة واكيد برضو فى مسئولية على السواق يعنى التارة غدارة!!!!!!!!!! والسواقة برضو اصلها مالهاش كبير بس الواحد هيعمل اية ادينا سيبنها على ربنا يعنى الواحد خارج على اكل عيشة هنعمل اية؟
