ِصابره وبيدارى لـلشاعرة نور الشروق
---------------------------------------------------
فيه ناس صابره ومسَلِمه
وساكته وهيه متألمه
منها المظلوم و اللى اتحَرم
واللى لِجروحها ململِمه
منها العفيف اللى بيدارى
ومن ألمه وهَمُه بيعانى
فكَرتُه سعيد وانا بكلِمه
ولما عرِفته حزنُه بكانى
قافل على نفسه وساكت
على محنته كاتم وصامت
البسمه على وشه تاهت
وقلبه من جوه باهت
وتحسبه وانتا بتكلمه
إن مفيش حاجه بتألِمه
لكن جرحُه جواه مِدارى
ويقول لازم أكون راضى
ساحة النقاش