الدكتورة علا عطية دفعت حياتها ثمناً لمدرعة أمنية تسير عكس الاتجاه بالعريش - دمياط والعريش يتلحفان يثياب الحزن والحداد

بدل ما تدخل على أهلها بالشهادة بتاعتها وتفرحهم بتخرجها دخلت عليهم بجثتها بسبب الاستهتار بحياة الناس

دي جنازتها من شوية بدمياط جنازة أختنا "علا حمدي عطية" 21 سنة طالبة في السنة الأخيرة في كلية الصيدلة جامعة سيناء دفعة 110 توفاها الله بالأمس نتيجة حادث أليم على طريق العريش القنطرة بسبب دخول مدرعة أمنية في الاتجاه المعاكس مما أسفر عن وفاة علا

امبارح جت العريش علشان تسجل مواد الترم وقررت ترجع دمياط في نفس اليوم..
المفروض انها كانت هتركب باص الجامعة لكن علشان كان لسه هيتأخر فقامت ركبت مكروباص من الموقف وسافرت وركبت في الكرسي الأمامي ( علشان قدرها )..

في محادثة على الواتس آب مع صديقتها "ميرنا" علا بتقولها (ميرنا أنا حاسة اني هموت ابقي كلميني كل شوية بجد) !

وبالفعل: وهي مسافرة وتحديدا عند مدينة بئر العبد كان في مدرعة أمنية بتلف من الطريق فاصطدمت بالميكروباص فكانت النتيجة موت علا واصابة 11 ما بين مدنيين وعسكريين..

رحم الله أختنا علا وأسكنها فسيح جناته وجعلها في منزلة الشهداء .. ادعولها كتير وادعوا لأهلها بالصبر

+2