الرسالة الأخيرة

الأسكندرية - اّلاء جابر

عبر صفحتها الخاصة على موقع التواصل الاجتماعي الفيسبوك كتبت "حبيبة" تنعي خطيبها مصطفى قتيل الاسكندرية تقول في رسالتها المؤثرة:

 «أول جمعه ليك وأنت مش معايا يا حتة من قلبي، يومين يا نور عيني ماسمعتش صوتك، أنت كلمتني وقولتلي أنا جايلك يا حبيبة أهو مش هتأخر عليكي».
وتابعت خطيبة الشاب مصطفى مجدي: «قلبك كان حاسس يا حبيبي وقولتلي حاسس إن في حاجة هتحصل، ولما لقتني خفت هزرت وضحكت ماكنتش أعرف إن كلامك بجد يا حتة من قلبي، وأول ما ودتني الكوافير قولتلي بعديها بشوية أنا عاوز أجي أخدك دلوقتي، وأنا طالعة الكوافير مسكت إيدي وقولتلي مش هتأخر عليكي، وقولتلي أول ما أجيلك ما تعيطيش عشان عارفك عبيطة وبتعيطي من الفرحة، أهو عيط عليك إنك مشيت من الدنيا خالص يا مصطفى يا حب عمري يا حبيبي».