هابــي فــلانـتيــن يا بلــدي
فى حــب مصــر
في يوم الحب
يا مصر الجمال والحب
يا سما مزينة القلب
يا ضحكة بتحكم بالوعد
يا فرحة قلوبنا في البعد
وفي يوم الحب
بهديكي يا مصر وردة حمرة
وهقولك من هنا لبكرة
ياصبية يا غالية يا حرة
يا أم الدنيا الساحرة
وإن كنتى ساعات جارحة
وإن كانت الأيام مرة ومش متصالحة
مصر أبدا مش جاحدة
يا أبية يا قوية يا عظيمة
يا سكر معقود عليه القيمة
يا مرجحية طايرة في الجنينة
يا عصفور بيعزف من حوالينا
وفي يوم الهوى
القلب في حب مصر هيدق
واللسان هينطق بالحب
والإيد هتصقف وجرحها هتزق
والعقل هيوصف طول الدرب
يا قمر منور بيحلم ويتمنى
يا نجوم عالية بتستنى
يا وردة مقطوفة من الجنة
يا سمكة منقوش عليها بالحنة
وطيور جميلة على أغصان الهنا
وعطور رهيبة بتنعش الهوا
يا مصر دايب أنا
هابي فلانتين يا بلدي
يا حبي وسعادتي ومجدي
يومك سعيد يا عمري
وفي مصر هأبدأ مدحي
هدلع فيها واشيلها في قلبي
يا نيل بيحكي وقنال بتهني
يا ساكنة في عروقي ودمي
يا بحر موجه بيرقص ويغني
يابلادي يا شوارع بتضحك وبتبكي
إيد واحدة وقلب واحد
معدن ناسها صلب وجامد
في الفرح والجرح تاريخها صامد
وإن ضعفت شوية هترجع تعاند
يوم حب جميل يا مصر ومش هزار
وعهد حرية خطير ونصر وأحلى حوار
ودبدوب أحمر وكارت وشمعة نار
هنحتفل بيكي النهاردة على العشا وعلى الفطار
ودي أحلى تورتة متزوقة
بكريمة بيضة والنسر في وسطها
وأسدين في عرينهم جمبها
ده المصري اثبت إنها
بقوتها هتهد اللي يهزها
ويلا كفاية بقى
اسيبك يا مصر بسرعة تظبطي وتجهزي
وفي خروجة حلوة يا حبيبتي فكري
وعن تاريخك الليل فيه اظهري
يلا اختاري يا مصر وقرري
على شط نيلك الوقت هنقضيه
ولا بحرك يا إسكندرية هندوب فيه
ولا نسمة هواكي يا عريش قلبنا هتدفيه
وهابي فلانتين داي
طب قوليلي يا مصر هتلبسي أية ؟
لون أبيض ينده للفرح ؟
ولا أحمر بيقول لا للجرح ؟
يلا مصر نقول للخوف بح
وهنسهر أنا وأنتى للصبح
بصراحة بعترف أنا سينجل
يعني مفيش حبيب والله عليهم يسهل
لكن لا هابكي ولا احزن
أنا خارجة مع مصر النهاردة وده أجمل وأحسن
مصر اللى اتقال فيها كتير
ادخلوها سالمين آمنين
فيها السعادة والفرح لايقين
وطيبة قلب ناسها لسنين
يا أحلى كلمة في كتابي
يا أحلى سنيني وأيامي
وفي يوم الحب عمري عشانك فاني
وخلاص مش هاحكي تانى
خلصت كل كلامي
لكن حبك هيفضل باقي
........
منقول
ساحة النقاش