هندسة الانتباه

العلوم والفنون والآداب

انتم عارفين اللى جايب قرض يبدأ بي مشروع حلاب بيخسر ليه؟!!

#قروض_البنوك؛ #مشاريع_الإنتاج_الحيواني؛ #اقتصاديات_تربية_الماشية؛ #عادل_سعيد

السلام عليكم

انتو عارفين اللى جايب قرض بيخسر ليه لأنها فلوس مش تعبان فيها وبيشترى البهايم غاليه ومش فارقه معاه وللأسف كله بيروح يشترى والد عشان يكسب من اول يوم اه ما هو بيحسبها بقره بتجيب ٥٠ كيلو فى ٦ او ٥ جنيه ياااه بقه لو عشر بقرات

احب اقولك ليه تجيب بقر والد من التجار وترجع تعيط ياخى احجز من شركه محترمه واستلم بهايمك من المحجر على الاقل بهايم عشار ٧ او ٨ ومتحللها وواخده كافه تحصينات وفوق دا كله انها هتبقى اول موسم وهتاخد خيرها كله

لكن حضرتك مش قادر تصبر شهرين تلاته عايز تجيب بقر جاهز

تخيلو بقى واحد متغرب وبقاله سنين على ماجمع فلوس وحرم نفسه من حاجات كتير دا بقه قبل مايطلع القرش هيفكر ١٠٠٠مره قبل مايدفعه لانه تعبان فيه وشاف شقى كتير

ببساطه اللى عايز اوصله لحضراتكم زى ابن ابوه مبسوط وبيصرف عليه ببزخ كده الابن مش فارقه معاه وبيصرف مهو لاقى اللى بيديه غير اللى ابوه غلبان

واسف على الاطاله

المصدر:

عادل سعيد – صفحة جروب رابطة مربي الثروة الحيوانية بمصر – مساء الثلاثاء – 2 نوفمبر 2021

من التعليقات الجميلة على الموضوع:

عبدالعزيز عوض:

و الله احلي بوست قريتة من زمن

زي اللي ميعرفش السواقة يروح يشتري فراري

الناس دى رفعت البهايم في السما بتاع التسمين اشتري بالغالي و علف بالغالي كتر المعروض حيخلي البيع في الارض تعالي لبتاع الحلاب اشتري بهايم من غير خبرة فية امراض و قرف و يحتموت يا حتتباع لحم ببلاش

مفيش اي ادارة ولا خبرة

 

مصطفى راجي:

هو من شروط التأمين

أن يكون بقر حلاب ويكون كاسر جوزين

للاسف مع قلة الخبرة مع إنعدام ضمير التجار

واللي واخد قرض أو تمويل مش طماع أو غيره هو بيحلم وبيجتهد في زمن انعدم فيه الضمير

=========.

انتم عارفين اللى جايب قرض يبدأ بي مشروع حلاب بيخسر ليه؟!!

#قروض_البنوك؛ #مشاريع_الإنتاج_الحيواني؛ #اقتصاديات_تربية_الماشية؛ #عادل_سعيد

عرض وتقديم

الكاتب والباحث/ محمود سلامه الهايشه

المحاضر المركزي بالهيئة العامة لقصور الثقافة- وزارة الثقافة

https://youtu.be/1Fdb17iQ7GE

 

 

  • Currently 0/5 Stars.
  • 1 2 3 4 5
0 تصويتات / 33 مشاهدة
نشرت فى 6 نوفمبر 2021 بواسطة elhaisha

ساحة النقاش

elhaisha

الناس بتوع عاوز دراسة جدوي وعاوز اعرف ايه احسن الحلاب ولا التسمين والكلام ده كله
ما جدوى دراسات الجدوى الاقتصادية لمشاريع الإنتاج الحيواني؟!
بص يا باشا بعيدا عن موضوع الاحباط او ما شابه
الفكرة ان دراسات الجدوى والافضليه دي اتعملت في بلاد برا علشان هما عندهم مقاييس موحده
يعني علف شركه فلان مكتوب عليه كل مواصفاته وكل تركيبته وبيستعمل في ايه وامتي وفيه مقاييس ومعايير عدي عليها قبل ما ينزل السوق وكل شويه فيه رقابه حقيقيه (وحط تحت حقيقية الف خط) علي انتاج المصنع
نفس الكلام علي العجول او العجلات فيه مواصفات موحدة لو عاوز تعمل حظيرة تساع خمسين راس او الفين او حتي مليون ولازم تستوفي كل المعايير (برضه تحت رقابة حقيقية وصارمة)
فا لما تنزلك دراسة جدوي من ايطاليا او المانيا او امريكا تقول ان البقرة بتحلب 80ك متوسط او العجل بيزيد 2 ك في اليوم دول ناس عندهم نظام وعندهم معلومات والكلام هناك موحد مش حتلاقي فروق رهيبه بين نوع علف ونوع تاني في السعر او الجودة كلها بتكون في حدود 10-20% مش اكتر
نقطة تانية مهمة وهي ان انتاجية البقرة او العجل بتختلف علي حسب البيئة اللي هي قاعدة فيها دول ناس هناك بتشغل موسيقى كلاسيك للبقر وهو بيتحلب وفيه فرش لتدليكه وعمل مساج للبقرة وهي داخله تحلب ده غير طبعا الاهتمام الرهيب بالنظافة كل دي عوامل مهمة وبتاثر علي انتاج اللبن واللحم ومواصفاته كمان
اخيرا بقي فيه حاجه اسمها التربية الاقتصادية بمعني ان اقل عدد ممكن اربيه يحقق معايا اعلي ربح وده مستحيل يتحقق مع عجل ولا عشره علي الاقل علشان تحقق دخل محترم لازم ماتقلش عدد الحيوانات عندك عن 40-50 راس ساعتها بتجيب اعلاف مباشرة من المصنع بخصم وخلافه
بلاش تجري ورا اعلانات النت والعجل ابو 2 ك في اليوم والبقرة ام 40 ك لبن في اليوم دول لو حصلوا في مصر بتبقي صدفه او في مزارع شغاله بالنظام اللي قولناه في الاول انما تروح تدفع 50 الف وتجري بيها عالمصارف والترع يبقي انت يا سارق الفلوس دي يا اما ماعندكش مخ توزن بيه امورك
معلش علي الاطاله
بقلم / محمد السحيمي
نشر هذا الرأي – في جروب رابطة مربي الثروة الحيوانية بمصر – مساء السبت 30 أكتوبر 2021 .
عرض وتقديم
الكاتب والباحث/ محمود سلامه الهايشه
المحاضر المركزي بالهيئة العامة لقصور الثقافة- وزارة الثقافة
https://youtu.be/6kmXyCHo7Fk

=========.
الناس بتوع عاوز دراسة جدوي وعاوز اعرف ايه احسن الحلاب ولا التسمين والكلام ده كله
ما جدوى دراسات الجدوى الاقتصادية لمشاريع الإنتاج الحيواني؟!
https://youtu.be/6kmXyCHo7Fk

محمود سلامة محمود الهايشة

elhaisha
محمود سلامة الهايشة - باحث، مصور، مدون، قاص، كاتب، ناقد أدبي، منتج ومخرج أفلام تسجيلية ووثائقية، وخبير تنمية بشرية، مهندس زراعي، أخصائي إنتاج حيواني أول. - حاصل على البكالوريوس في العلوم الزراعية (شعبة الإنتاج الحيواني) - كلية الزراعة - جامعة المنصورة - مصر- العام 1999. أول شعبة الإنتاج الحيواني دفعة »

ابحث

تسجيل الدخول

عدد زيارات الموقع

2,117,481