حاسس نفسك فرعون

ملكت الكون ..مجنون ملعون

وجنون العظمة هيخرب بيتك

جاهل وفاكر انك متعلم 

اسكت واسمع انا هتكلم 

نفسي أغمض عيني وأفتح 

الاقي نفسي نسيتك 

عمري ماندمت في يوم ..

بس ندمت اننا حبيتك ..

خاين قاسي ..وملكش امان

فاتح قلبك ولا دكان..

بتبيع الحب وعارضه بضاعة

قلبك تاكسي بالعداد..

عايز حد من التعداد 

يعرف كام سكانك

قلبك بحر ملهش قرار

فيك العالم كلة  احتار

قاسي ..كداب ..خاين....غدار

دايما تجرح باستمرار

ابعد عني كفايه مرار

انا مش راح سامحك تاني

انت اناني هتعيش وحداني

همشي واسيبك مرة تعاني

انا قررت خلاص انساك

بس ياريت تعرف تنساني ..#امل عبدالله عابد