❤ أبويا قالي ❤
أبويا قالي زمان أوعاك يا ولدي تزعل أمك
وأكسب رضاها مفيش شئ أبدا يضرك
برضاها هتعيش سعيد ياولدي طول حياتك
وبرها هتلاقيه ياولدي بعدين في ولادك
ببرها تنعم وتسعد وتتسهلك ديما طريقك
وهتلاقيه كمان يا ولدي حتى بعد وفاتك
لما أبواب الجنه السبعه يتفتحه قدامك
في الوقت ده أوعاك تفتكر دخلتها بأعمالك
ده دخولك سببه رضي أمك ودعاها مش دعائك
والله لو غضبت عليك أمك ما تشوفها حتى بأحلامك
أوعاك يا ولدي تزعلها ولا تخليها تغضب عليك
دي الجنه تحت أقدمها مش أقدامي ولا أقدامك
وعاوز كلامي ده لما تكبر يا ولدي يبقي كلامك
احفظه بالحرف الواحد علشان تعلمه لأولادك
وقول لأولادك من بعدك يعلموه كمان لأحفادك
الشاعر سعيدالروبي ابوحبيبه 2/7/2016
