انسيني بقلم امل عبدالله
انسيني كلمه سهله قلتها يا حب عمري
انسيني وكانها حكم بالاعدام
قلتها ببساطه كده هان عليك حبي وحنيني
انسيني وانسي مين انا الله شفت الهنا
وحكايت حبنا كانها في يوم ماكانت
قدرت تنطقها بسهوله معقوله
طيب وحبنا وكل حاجه عشناها سوا
فرحنا وحلمنا وامانينا الكبار خلاص كله طار
كنا بنرسم بكره وبعده منه واحمد وعبده
وعلي الشجر كان عشنا
انسيني وانسي مين انا
وكل حاجه كانت هنا ولما صدقتك وامنت بكلامك
لما كنت مش بشوف ولا اسمع غير غرامك
ودلوقتي جي بساطه تقولي انسي
اتعلمي ازاي علي قلبي تقسي
صدقي اني هبعد ايوه كنت بكذب
كنت بخدعك بغش عقلك وقلبك
كنت بكذب وقول بحبك
طيب ايه ذنبي عليا تكذب
انا كنت ممكن اموت عشانك
تخدعني ليه وتخليني اصدق حنانك
كنت ليه تيجي ف طريقي
كنت فاكرة حبك شيء حقيقي
انسيني وانسي مين انا
كلمه سهله بصراحه
هتحسسك بامان وراحة
وقلبي اللي مات مالوش عندك تمن
كرهت نفسي ودنيتي والزمن
هنساك ايوه هنسا
بس كمان لازم انت تنسي
ان دمي ف رقبتك
وموتي كان تمن خيانتك
سلام ويارب تعرف تعيش
واقسم لك انا متنسيش
بس خليك فاكر شكل نعشي
لان دي اخر حاجه هتشوفها قبل ما امشي
علي فكره كنت لازم ادفع التمن
لان صدقت ان ممكن يضحكلي الزمن
بعد ما كان مكشر ف وشي
هنساك ويمكن تنساني وتحب وحده تاني
تكون قلبها قاسي تعلمك طعم القسيه
تشربك من ظلمها وتنسيك طعم الحنيه
اللي معايا شوفتها#امل عبدالله
