الوصية

نقش الحجر 

فيّ عَبر

وصية بييّ من الصغر

تخطي الخطر

دوسي الجمر

وحروفك خليها عِبَر...

لو الحرف 

فيّ انعطف

والكتاب عني انحرف

اول حرف

واو العطف

بكمل بخطفها خطف...

جنون و سعي

وراق اسمعي

كتبتا قصيدة بلا وعي

جملة طلعي

تخبّي وتعي

أد جنوني ما بتطلعي...

وصلت حلّت

فيّ تخبّت

نسماتا بروحي غلّت

فكري احتلّت

ليلي ضوّت

لسماها حروفي علّت...

بإيدي قلم

متل العلم

ما بنكسو برغم الألم

ومن العدم

بخلق نغم

ح يرددو بعدي الصنم...

كتبت الوطن

بعز المحن

مش همي حروب وفِتَن

جنة عدن

صار الوطن

وغنّت ع ترابو الفُتَن...