كلمة شرف ،،
******
خدها وعد مني ودين
حبي ليك يقضيك
ويفيض عالعاشقين
قلبي اللي داب فيك
جاب القلوب شاهدين
غيرك ما يسكن فيه
وانت اللي راح تكفيه
وده عهد ما بنفيه
ابدا ليوم الدين
كلمة شرف لصديق
هبقي معاك ضلك
ان توهت يوم في طريق
روحي اللي هتدلك
فالفرح او فالضيق
جنبك وهفضلك
لو نعمة يوم زالت
او دمعة يوم سالت
او جت ف يوم مالت
ف بايدي هعدلك
كلمة شرف في فراق
ما تشوفش مني دموع
هردم علي الاشواك
واضحك بصوت مسموع
لو حتي صدري ضاق
او قلبي كان موجوع
اللهفة هخفيها
والحرقة هطفيها
والحاجة لو فيها روحي
قلبي يقول ممنوع
كلمة شرف لعزول
هشغل كتير بالك
هاخد ليال الفرح
والغيرة تبقالك
وتقولي كتير مبروك
وانا ارد عقبالك
نارك لا يوم تبرد
وتعض طوب الارض
وانا اعيش بطول وبعرض
واشفق علي حالك
#انغام
