ما بتعرف ايمتى النصيب
لمّا ورقة حظ تصيب...!!!
بيلمع إسمك بين الناس
بتمشي بينّن عالي الراس
البعيد بصير قريب
والعدو أحلى حبيب
الكل بيركض كرمالك
بهمّن راحة بالك
لمّا صارعندك رسمال
إهتم الكل برسمالك
لولا طلبت ست الحسن
الليله بتشوفا قبالك
سبحان مغيّرالحال
لمّا يغّيرحال بحال
بتصير حاكم بأمرك
وبتحس بقيمة عمرك
مبارح كنت تركض تتعيش
وبالجيبه عمله ما فيش
من وقت إلفرّخلك ريش
نسيت الماضي والتدفيش
لوقصدت تجيب النجمات
بتجيب...
لمّا ورقة حظ تصيب.
مارون شلالا
