تعليقات ساخرة علي شهادة طنطاوي :شاهد ما شفش حاجة

مع استمرار انعقاد جلسات محاكمة الرئيس

المصري السابق حسني مبارك،

وتوالي مسؤولين مصريين

سابقين وحاليين على منصة الشهادة،

وخصوصاً بعد شهادة المشير محمد حسين طنطاوي السبت،

اهتم مستخدمو موقع تويتر بآخر تطورات هذه القضية،

ووجدوا في هذا المنبر الاجتماعي

مكاناً للتعبير عن آرائهم بشأن هذه الشهادات.

وفيما يلي بعض من هذه الآراء:

@nawaranegm:
برغم شهادة المشير التايهة دي،
فيها أهم نقطة ايجابية،
المشير قال إن مافيش عناصر من حماس وحزب الله أثناء الثورة..‏
طلع عمر سليمان كداب.

@ahmedabdelaziz1:
فيلم العيد
- شاهد ماشفش حاجة بطولة حسين طنطاوي وأحمد رفعت -
مايفوتكش.

@Amira_Nosseir:
هو طنطاوي بيقول إنه
"لم يتم القبض على أي عناصر أجنبية؟"..
بالنسبة للجاسوس الإسرائيلي ده طلع ابن عنان في الآخر ولا إيه؟

@yasminmahfouz:
الشهادة كانت عبارة عن تبادل أحضان وقبلات
وواحشني ياريس
والبلد وحشة من غيرك.. 
مبارك: ايه والله وتمر فيك يا طنطاوي.

@Marwa_Kahlil:
طنطاوي لا يفعل ذلك بدافع الولاء لكن سقوط حسني يعني
أن رقبة المشير ستكون التالية بعده..
هو إذن لا يحمي أحداً بل يحافظ على نفسه.

@Manar_Nidah:
أنا مبسوطة أوي من شهادة طنطاوي
لأنه بيوحد قوى الثورة،
بيدعم وجوه جديدة للثورة،
هايتزحلق من الحكم بدري.

@Atefabdelgawad:
أقوال مشير طنطاوي في المحكمة في مصر
 أخفقت في إدانة مبارك بقتل المتظاهرين..
قال إنه لم يكن موجوداً في اجتماعات اتخذت فيها القرارات الحاسمة.

@ArmanoSSah:
بعد خرق حظر النشر في شهادة طنطاوي.. مطلوب القبض عالعصفورة لتقديمها لمحاكمة عسكرية!

@doaaahmed1238:
شهادة طنطاوي في المحكمة هي القشة التي قسمت ظهر المشير مع الاعتذار للبعير.

@Khaledrashadaly:
خريف الحكام العرب يتحول إلى ربيع بعد شهادة طنطاوي لمبارك ومراوغة صالح في اليمن وصهينة العالم عن بشار.

@Dr_AymanAhmed:
لما سألوا المشير عامر في 67 قال (ماعرفش) ولما سألوا المشير طنطاوي في 2011 برضه قال (ماعرفش).. كدا عرفنا إيه هي طلبات الترشح لمنصب المشير.

@abdallah_:
اللي انت شايفه ده كله مسرحية، طنطاوي بيضحك بيها علينا وعلى مبارك، ويقلنا هعدمه ويقول لمباركهطلعك براءة، وفي الآخر، مبارك هيموت.

@TheAHmadSalem:
بجد حاجة محزنة للغاية إن الحب اللي متأصل في قلب الشعب المصري لجيشه من 35 سنة عرف طنطاوي ورفاقه يخلصوا عليه في 8 أشهر.

@klmty1 :
شهادة طنطاوي مش مهمه في حد ذاتها المهم إنه كشف مين السبب في الإنفلات الأمني بعد الثورة و مين عامل فتنه بين القوي السياسية و مين طمعان في السلطة