أنا مابخفش

وحأفضل أقول كلمة حق

عليها مسؤل

إن الريس راجل طيب

وبشعبه دايماًَ مشغول

مشغول إنه يلم فلوسهم

بره في سويسرا يحوشهلنا

وف حسبات سريه يشلهالنا .....

نفسه يأمن مستقبلنا

شفتوا إزاي بقا قلبه رحيم

وعنده إيمان وضميره سليم

بيجوعكوا لجل تخسوا

آه يا شعب محتاج لرجيم

من جهلكوا بتقولوا بطاله

وإن الأحوال مش شغاله

دا الراجل نفسه يريحكم

هي الراحه تبقي عواله ؟؟

أما حكاية المنتجعات

ليه بتسموها معتقلات ؟؟؟؟

ليه الظن...... وسوء النيه

نفسه يفسحكوا يا بهوات

أما الكرسي واللى تقال

دا كلام مش محتاج لسؤال

الغلطه دي غلطتنا

يا عالم إن مجبناش كرسي تيفال

والله إنتوا ظالمين الراجل

ضيع عمره ومين يستاهل

حتى الأكل بيكله بدالنا

طالع واكل نازل واكل

ماله الريس بعد دا كله ؟؟؟