انت عيل اخونجى
مجموعة ساخرة علي الفيس بوك
ترصد النكت علي الإخوان
شَّن عددٌ من شباب جماعة الإخوان المسلمين بالإسكندرية صفحةً ساخرةً على موقع التواصل الاجتماعي الشهير الـ(فيس بوك), بعنوان "انت عيل إخونجي", للحديث عن المواقف الفكاهية التي يتعرض لها شباب الجماعة كل يوم مع بعض شباب القوى السياسية الأخرى.
و إليكم بعض مما جاء في الصفحة من سخرية
كيف تصبح اخوانجي ؟؟ انت تركب دقن لا يقل طولها عن 12 سم وتحط قنبله في جيبك اليمين .. اليمين ها .. وتبقي ماشي وفي ايدك كتاب ( تجارب الاعلام في قلب نظام الحكام ).
اخواني عطس فقال الحمد لله، فالناس تعاطفت معاه، فقله العلماني انته بتستغل الدين عشان الناس تتعاطف معاك
عيله اخوانجيه باعته تقولنا " أنا عيله اخوانجيه و بحب الاخوان جدا لأنهم بيأكلونا كنتاكي و بيشربونا ريد بول وبيجبولنا فلوس كتير من ايران والسعوديه وقطر واسرائيل. ربنا يخليلنا الاخوان يارب " اخص عليها باعت البلد بورك فرخه من كنتاكى هما دول الاخوان طول عمرهم انتهازيين
اخوانجى قاعد في اتوبيس جنبيه واحد بيقرا جرايد كلها منشيتات اخوان الرجال قال على كده الاخوانجى طوله كام متر وعنده كام رجل وكام دراع رد الاخوانجى وقاله على فكرة انا اخوان الراجل اتخض وقاله اده انتم بنى ادمين زينا وجاله سكته ومات
بعد اجراء عدد من الفحوصات على احد الاخوانجيه اكتشفوا ان القوة الخارقة لجماعة الإخوان المسلمين تكمن في تعاطيهم ل " ريد بول "
امن الدوله يقبض على لقاء تنظيمى لمجموعه من الإخوانجيه قبل انتخابات الشعب وبمواجهتهم اعترفوا بتعاطيهم ريدبول لانه " بيعطيهم مقاعد"
"أمن الدولة ويكس " : تورط الإخوان في حادثة غرق العبارة الشهيرة تيتانك
حصريا على صفحة انت عيل اخونجي ... نقدم لكم عدد اعضاء جماعة الإخوان المسلمين في مصر وعددهم 14 مليوناً و192 ألفاً و577 وده بان من تصويتهم كلهم بنعم في الإستفتاء .. كل دول اخوانجيه وانا الى كنت فاكرهم اقل من كده اخص عليهم
امسك يا جدع جيفارا طلع اخوانجي احنا مش بنفترى على الناس وادى الدليل
... مررررررررررربي دقنه اهو
بيان للإخوان : الاخوان المسلمون يعتذرون لجموع الشعب المصري أنهم جماعة منظمة ..
ويعدونه بالانتقال للفوضى في أقرب وقت ..
كما يعتذر عموم أفراد الاخوان عن التزامهم الحزبي
ويؤكدون على اضافة بند في اللائحة الجديدة ينظم عملية الانشقاق
والله الموفق
اليابان تتهم الإخوان في بيان رسمى للحكومة اليابانية بالتسبب في الدمار الذى اصاب البلاد جراء تسونامي وتحذر مرشد الإخوان في المضي قدما في زعزة استقرار اليابان
وتتوالى الفزاعات .. الاخوان يلغون خاصية كلمنى شكرا لتصبح ... كلمني جزاك الله خيرا:
قال سين لصاد : مع إحترامى الشديد لك ، أنت حمار،،
فرد صاد : الله يسامحك ،،
فقال بعص الناس : أنظروا إلى أدب سين و رقي أسلوبه فى الشتيمة ،
وأنظروا إلى خباثة صاد يستخدم الدين فى الرد عليه ليستعطفنا ،
ألا بورك فى سين و لعنة الله على صاد .
صباح الفزعات .. ومع اول فزاعه النهارده بيقولك ابو الهول طلع اخوانجى .. اصلوا كان مربى دقنه ايام زمان
مرة واحد اخوانى دخل الانتخابات نجح... قالوا بسبب الشعارات الدينية, سقط... قالوا :خاين ان دخل اصلا ..., قاطع الانتخابات قالوا : شفتم وبيكلم عن الايجابية والمشاركة .., دخل باغلبية قالوا عشان يكوش على المقاعد وتبقى دولة دينية... ,دخل بثلث المقاعد قالوا :عشان حق الفيتو , دخل بأقلية ,قالوا شفتم..ده حجمهم الحقيقى...,سبلهم البلد ...و...ركب ا...لطيارة ومشى ,قالوا :سابولنا البلد خربانة ومشى
الصفحة دي خارج الإطار ... هنتكلم عن البعبع القديم والجديد ... هنكلمكم عن الأجندات السرية والملفات المخفية وكل حاجة بتناجية ... وسلم لي على الإخوانجية
خبر عاجل بيقولك الاخوان هما سبب زلزال اليابان وتسونامي وهما سبب ثقب الاوزون وهما الي رفعوا حرارة الجو في اليوم الي كان فيه الاستفتاء عشان الناس متروحش وهما سبب مجاعة الصومال وهما سبب حرب العراق وليبيا وهما الي عملوا مذبحة سربرنتسا في البوسنة والهرسك وهما الي احتلوا فلسطين ... هو الاخوانجى بيضرب كام علبة ريد بول في اليوم ؟
ساحة النقاش