سيادة الرئيس محمد حسنى مبارك
رئيس جمهورية مصر العربية

تحية طيبة و بعد ...........
 أكتب لك هذه الرسالة
و أنا أعلم جيدا أن هناك العديد من أجهزتك الامنية يقرؤنها الأن
و يراجعون محتواها كلمة بكلمة
و أنا لا ألومهم لعلمى جيدا همهم على مصلحة الوطن و أمنه و أن أى شىء يصدر منهم هو للصالح العام

أنا و جيلى من مواليد 86 لما فوق قد عاصرنا حكمك و لم نرى في حياتنا رئيسا غيرك لبلدنا الحبيب
. دعنى أتحدث نيابة عن هذا الجيل
و من المحتمل أن أكون نجحت أن أوصل لك رسالته و مطالبه. 
لقد تربينا على حب مصر و تاريخ أبائنا
و أجدادنا و تعلمنا تاريخنا جيدا و ندرك مكانة مصر و مسؤلياتها تجاه العالم و الشرق الاوسط . ,
و نقدر سياستك الخارجية فيما فيها مصلحة الوطن و الأمن و الأمان ,
و نحن نشهد لسيادتك بالانجازات التاريخية في المحافل الدولية و المؤتمرات و أنك صاحب قضية و رأى و لك مكانتك العالمية التى أنا شخصيا أشهد بها من خلال
تعاملاتى مع العديد من البلاد و التحدث مع الاجانب عنك أراهم يكنون لك الاحترام و التقدير الذى يجعلنى فخورا بك كرئيسا لبلدنا
أنا لا أجاملك
ولا أنافقك
ولا أتحدث لك بهذا الاحترام لأنك
رئيسا للجمهورية
و القائد الأعلى للقوات المسلحة
وقائد القوات الجوية فى حرب 1973
ونائب رئيس الجمهورية
و رئيس الجمهورية .
العديد من المناصب التى اثبت جدارتك لوجودك بها
و ان الرئيس الراحل انور السادات قد اختارك دونا عن المصريين و القيادات لتكون نائبه فهذا معناه انه وجد فيك شيئا لم يجده في العديد من القيادات حوله.
 و لكننى اتحدث الى الاب
و الرجل المصرى أنا اعلم جيدا انك تجلس
مع نفسك الان
و تتحدث مع الله و تسأله ماذا فعلت لشعبى و لشباب بلدى لكى يحملوا كل هذه الكراهية . أنا الذى كرست حياتى من اجل مصر
لا لأجل منصبى ولا اموالى  ولا ابنائى فقط
و لكن للتاريخ كى يعلم التاريخ و الله انى خدمت مصر من صغرى حتى الكبر من اجل الوطن .
صدقنى يا سيادة الرئيس انا اعلم جيدا
ماذا تشعر به الان و اعلم الضغوط عليك
و صمودك و استقرار رأيك و مسيرتك و خوفك من الله الذى ستقابله فى الاخرة ,
و اعلم ايضا مدى خوفك على اولادك
و احفادك من المؤمرات و الخطط  التى يمكن ان تنفذ .
نحن نعلم جيدا انك لا تكرهنا
و لست طامعا في المال ,
فانت لديك السلطة و المال والحكم ,
فانت حاكم مصر و امضيت عمرك كله لمصر
و لكن هناك شعبا يتضرع جوعا كل يوم ,
يرون امامهم الاغنياء و هم يتمتعون بمالهم و يسرفون بسخاء
" و أنا أشهد يوما عندما قلت تحذيرا لاحد رجال الاعمال عندما سرف الملايين من اجل حفل زفاف نجله على فنانة مشهورة , أن لا يستفز مشاعر الفقراء و اشهد أن تحذيرك كان حادا له و وقتها احترمتك "
انا اعلم انك بشرا مثلنا
و لك القرارات الصائبة
و ايضا لك القرارات الخاطئة
و لا عيب لانك بشرا مثلنا .
سيادة الرئيس ارجو ان لا اكون اطلت عليك فى المقدمة و لكن كان يجب ان اكتبها قبل ان اقول لك على لسان
اخوانى و اخواتى ابنائك المصريين 
نحن نرفض الظلم
و لنا الحق ان نعترض على كل شخص أهاننا و ظلمنا و أخذ حقنا .
لنا الحق ان نغضب و نثور و نتمرد على أوضاعنا .
نحن كابنائك نرى أبناء جيراننا من الدول يعاملون معاملة طيبة و يأخذون جميع حقوقهم .
نحن نرى الشباب الخليجى كيف يتمتع بماله و سياراته
, نحن نرى الشباب الاوروبى كيف يتمتع بحريته و ثقافته
نحن نرى الشباب الامريكى  و كيف يتمتع ببلده و سلطته و ماله و قوته ...
و نحن أولادك المصريين ..
شبابك و مستقبل وطنك نضرب و نهان , نُتهم باننا جيلا فاشلا
و ليس له طموح و لا حول لنا ولا قوة
أطلب منك سيادة الرئيس أن تشاهد اولادك اليوم و هم يعبرون عن غضبهم على ما وصلوا اليه ,
اطلب منك سيادة الرئيس ان تنظر الى وجه كل رجلا منهم ستجد فيه وجه بطل من ابطال اكتوبر .
اطلب منك ان تشاهد واحدا من اولادك و هو يقف امام مدرعة مضحيا بحياته من اجل زملائه و لا يهاب الموت و يذكرك ببطولة من بطولات قواتنا المسلحة .
اطلب منك ان تسمع صوت الحق و ان لا تنصت الى المنافقين الخائفيين حولك ,
فويلا للمنافقين .
نحن شباب بلدك لدينا العديد من المطالب الشرعية و ليست السياسية ,
نحن نريد ان نُعامل كالبشر,
نريد ان نرى من يحفزنا و يؤمن بنا و يشجعنا . نريد ان نبنى لا نهدم ,
نريد المستقبل و لا نريد الضياع .
نريد الكرامة التى هى الشىء الوحيد الباقى لدينا .
نريد مصر .. نعم نريد ان نأخذ مصر من يديها و نجعلها تقف مرة اخرى و ترفع راسها عاليا و تقول للعالم كله
"أنا مصر أم الدنيا "
نريد العدالة و نريد الحماية ,
نريد الامن و الامان ,
نريد العزة و الانتصارات ,
نريد المكانة وسط الدول العربية و العالمية , نريد الصدارة ,
نريد المشاريع القومية ,
نريد الانجازات,
نريد الشفافية ,
نريد المستقبل , نعم نريد المستقبل
 و نريد الثقة ,
نريد التحدى ,
و نريد الرحمة
 -----------------------------------------
اجل يا سيادة الرئيس , شعبك تعب قوى . معلش أنا هكلم مع حضرتك باللغة العامية شوية علشان نقرب افكارنا لبعض ..
احنا ياريس تعبنا من الى بنشوفوا كل يوم ... تمردنا كشباب موجود و مكبوت ..
الناس الى نزلت دول مش صيع ولا مالهمش شغلانة .
انا اعرفهم كلهم واحد واحد ..
كلهم رجالة و بيحبوا بلدهم و كلهم متعلمين و متجوزين و ناس محترمة و صدقنى دول كلهم بيمثلوا الشعب المصرى
انا عارفة انى ممكن اختفى بعد الرسالة دى و احتمال اجهزتك الامنية تتطلعنى
مجنونة و بتعالج نفسيا و اسباب كتيرة
أدت الى انى انتحارى ..
لكن بعد الى شوفتوا النهاردة أمنت قد ايه رجالة بلدى دول حاجة تشرف الواحد ,
و انا متأكدة انك من جواك و انتا بتتفرج عليهم فخور بيهم لانك اطمنت انك سايب رجالة فى بلدك ..
رجالة بجد ما بيخافوش من النار ولا الحكومة ولا القنابل ولا الضرب ..
الدافع الوحيد الى نازلهم هو حبهم لبلدهم 
وخوفهم على مصر ...
لازم تعرف ان دول رجالتك  مع القوات المسلحة .. رجالتك هما الشعب و شباب مصر ..
اللى المنافقين حواليك فهموك انهم اى كلام و شوية مناوشات و عيال صغيرة ..
لا ياريس ... دول ولادك المظلومين
سواء جوا البلد او براها ..
دول رجالتك الى حيقفوا جنبك قدام اى عدو يحاول يتهجم على مصر..
دول الرجالةالى استحملوا و اتهانوا ....
دول زيهم زى جمال و علاء و صدقنى كان فى يوم من الايام و هما صغيريين بيحبوك زى ابوهم علشان ماشافوش غيرك ...
دول الى استحملوا الفقر و الغلاء و شافوا ولاد الناس راكبين المرسيدس و الجاجوار وأتمنولهم زيادة الرزق ..
دول الى ليهم حقوق و ساكتيين عليها .. دول اي اتظلموا و فوتوها ..
دول الى وقفوا في لجان و اتاخدوا تحرى
و باتوا فى القسم ظلم..
دول الى اتهانوا لما خرجوا برا مصر و رجعوا يقولوا عمار يا مصر ...
دول الى فضلوا ساكتيين و مستنيين الفرج و الفرج مش عايز يجى.
دول الى كبروا على كلمة ماما سوزان
وبالروح و الدم نفديك يا مبارك ..
دول الى استحملوا أهانة الغرب ليهم انهم أرهابيين علشان هما عرب ..
دول الى استحملوا الكتير و تأقلموا مع العولمة و عاصروا العالم الحديث دول ولادك
يا محمد حسنى مبارك "مع الاحترام للألقاب مش العدو الصهيونى"..
احنا بشر و من حقنا نعيش ..
شباب و من حقه يحلم ...
جيل و من حقه يبنى تاريخ ..
احنا اتألمنا كتير و اتهانا من كل الشعوب
يا ريس ..احنا .. ولادك .. المصريين ..
احنا واحد منا دماغوا توزن بلد ..
احنا رجالة و جدعان و بنحب مصر ...
أطلب منك كأب و ليس كرئيس و القائد الاعلى للقوات المسلحة ..
أطلب منك ان تحبنا و تخطط لنا كما كنت تخطط لمستقبل جمال و علاء..
أطلب منك أن تخطط
لمحمدواحمد و مينا ومرقص ومروة وكريستين أطلب منك ان تستمع و تجلس و تسمع ..فنحن من سيدون تاريخك
و ليس حرسك القديم ..
نحن شباب مصر و حراسها ..
نحن المستقبل ولن نقبل ان يكون مستقبل مظلم ..
نحن نريد العدالة و نريد ان يعود الحق لصاحبه
رجاء مننا قبل الرحيل
.. أفرج عن الشباب المحبوسيين الان .. فدافعهم الوحيد كان حبهم لمصر .
كن معنا و ليس ضدنا ..
أختم حياتك بحسن الختام
مع شباب كان نفسه يمجد اسمك
على مدى التاريخ .. بس للأسف
نعم مصر أم الدنيا
و تعلم كيف تكرم ابطالها
واننا لا ننكر انك بطلا من ابطالها
انشر العدالة و المسواة بين المجتمع
 أحبس الظالم و رجع الحق للمظلوم ..
أسمع ولادك
لو فى معارضه او موالاة هما كلهم بيعملوا كده علشان مصلحة مصر ..
كلنا بنحب مصر .. و حضرتك بتحب مصر
حس بينا يا ريس
احنا مش قلة و لا شوية عيال ..
احنا شباب مصر مات منهم كتير
من اللي نزلوا علشان يطالبوا بحقوقنا
 و مات واحد من قوات الشرطة
و هو بيقوم بواجبه و شباب مصر المرة دى مش ناوى يسكت يا ريس ..
علشان ما بقاش فاضله غير شوية الكرامة الى عايش بيهم
و ما عاندوش حاجة يبكى عليها ...
صدقنى حتى قوات الامن و أى مصرى نفسه يقولك الكلام ده من قلبه ..
.. وحد شعبك ,حكومتك, شبابك, الشرطة و الجيش , مسيحى ,مسلم, كل الاحزاب.. خلينا كلنا أيد واحدة ..
والله احنا كلنا بنيجى بالكلمة الحلوة الى بتطلع من القلب ..
اتكلم معانا بكرا على الهوا من غير مناسبة .. أطلع فى خطاب مش مكتوبلك ..
أطلع كلمنا من قلبك و قلنا انك حتعملنا كل حاجة احنا عايزنها
و حتحقق لينا مطالبنا.. مطالبنا بسيطة ..
و مش ضعف منك ..
دى حتعظمك و حتكبرك فى نظرنا ..
أحنا بعد كل ده برضه مصريين و جدعان
و رجالة و بنفهم ..
اتكلم مرة واحدة من قلبك يا ريس 
 -------------------------------------
أطلب منك يا سيادة الرئيس
ان تقرأ هذه الرسالة عدة مرات ..
هي لا تعبر عن كل مطالبنا
كجيلا جديد و لكن علي الاقل تحمل رسالة موجهة اليك و اكرر ...
ليس كرئيس ولا كالقائد الاعلى للقوات المسلحة ...
و لكن لانك "مصرى"
و أنا مؤمن أنك مصريا من القلب 
وسوف تحقق ما يحقن به دماء شعبك
وخراب ودمااااار فى بلدك الغالية مصر

توقيع
واحدة من هذا الشعب العريق الذى استمر معك 30 عاما فى شقاء بسبب أعوانك