ارجعيلى

رجعى عمرىوهاتى

ضحكتى

اللى هربت

يوم وداعك واقبلى

 فوق خدودك

وردتين من جنتى

 وردة فيها للى عدا اعتذار

 وردة تانية

 كلها أشواق ونار

 ارجعيلى

 ما تزوديش فى غربتى

 فاكره

 اول يوم لقانا كنا فين

 ولا اول كلمة

اللى قالها مين

كنا لما تفوت ثوانى

 فى بعدنا بنزيد حنين

 يبقى مش ممكن

 تفرقنا الليالى والسنين

 ارجعى

 لحد امتى

 هبقى حابس دمعتى

انت فين

 ما بتسأليش

 أو حتى تيجى تسلمى

 والا راح

كل اللى عدا فى السنين

 كل يوم

 فى البعد عنك ميت سنة

 واللى باقى من حياتنا

 ما يلاقيش فرح وهنا

ارجعى

 ولا عايزه بكتر هجرك

 تقتلينى