• بارسم في صورتك

•  والهموم ناقشة كراميشك

• والضلمة تعوي في البيوت

 

• حتي خيوط العنكبوت

•  غطت علي شيشك

• أرسم حبيبتي

• لما تبكي في الأدان

• صرخة أخويا

•  كل يوم بينام جعان

• يرحم أبويا

•  لما راح وسط الميدان

• دهسه طابور عيشك

• *********
• *****
• **

• عشت الحنين لما يزور

• واحد غريب

• وسط الجموع

• يجرى يدور ع الرجوع

• نفس المكان هو المكان

• بس الاوان غير الاوان

• مش هم دول اصحاب زمان

• القى الغراب

• عشش على لمة دراويشك

• اصحى يا أمى

• جيت ابوس خدك وايدك

• وارسم خضارك والعنب

• مالى عناقيدك

• وأغلب فتوة حتتى

• والم أهلى وعزوتى

• واللى يكمل فرحتى

• ضحكة حرافيشك