يا حلوة ليكي تمللي بميل         وهواكي للقلب * سراجه *
ونفسي أقولك * بالتفصيل *     دي عواطفي ليكي محتاجة 
يوماتي قاعد في * الغرزة *     أستني تيجي وليه م تجيش ؟؟
لو جيتي حادبح لك وزة          ونمشي بالليل ع * الكورنيش * 
غرقان معاكي لحد * الديل *      وف حبي ليه اتنشيتي ؟؟
تديني * الف ميعاد * بالليل        وألاقيكي خفتي و* كشيتي * 
بالذمة دي تبقي * لياقة *         دا الهجر * كرمش * احساسي 
وقلبي كان زي * المكنة *        عييت وخدت ميتين * ابرة * 
ومشاعري * دابت * من الركنة     ما تحني وكفاية مكابرة 
آمالي * معقودة * عليكي           ليه تبقي للاشواق قاتلة 
لو حد غيري * لضم * فيكي        تلاقيني * شمعت الفتلة *