مرة الهوى زارنى

من غير ميعاد

جانى

قاللى هيسعدنى

وبشوقه منانى

أتارى من بختى

طلع الهوى غدار

عشمنى بالجنة

ورمانى وسط النار

رجعت أبكى الجراح

في قلبى من تانى

حلفت ألف يمين

توبة يا درب الهوى

هبيع كما بعتنى

أنساك وتنسانى

صدقت إنى نسيت

وداويت في احزانى

رجع الهوى زارنى

وسكن في شريانى

قاللى بضحكة خبيثة

وحشتنى كلماتك

ساعة اللقا والوداع

صدقته من طيبتى

ونسيت في يوم

إنه باع

احلامى في زمانى

وقلت نبدأ سوا

قصة هوى عشناه

رغم الليالى الطويلة

ما قدرنا يوم ننساه

لكن ......

هوايا غريب

من طبعه خداع

خانى وخان الهوى

وهدم لى أوطانى

رجع لى تانى الهوى

زارنى في ليالياّ

يبكى فراقنا سوا

ويشتكى لياّ

قعد يفتش في قلبى

عن مكانه زمان

بصيت بنظرة ثقة

وسألته مين أنت ؟

مسكين رماك الهوى

في دربى وشطآنى