مصر مين ؟ مصر مين ؟ مصر ديه تبقى مين ؟

مصر للى مش عارفها ضحكة للقلب الحزين

نور يلالى مدى الليالى للى تايه من سنين

مصر مين ؟ مصر مين ؟ مصر ديه تبقى مين ؟

مصر الأمان للى ضاع منه الأمان

مصر التاريخ قبل التاريخ مصر الزمان قبل الزمان

مصر دى رمز الحضارة وللعلوم هى منارة تدى للدنيا الأمان

مصر دى كل العرب غنوة طرب وسط الصخب

مصر احترام مصر الأدب

مصر الحياة كل الحياة بألف آه وألف لا

بحر محبة يروى كل العطشانين

عرفتوا مصر تبقى مين ؟

مصر مين ؟ مصر مين ؟ مصر ديه تبقى مين ؟

مصر الإيدين الشاقينين تزرع تقاوى فى الغيطان نحصد حبوب

كيزان درة ليها العجب وقمح حباته دهب

مصر يا عيدان القصب مصر يا ثورة غضب مصر يا فن وأدب

مصر يا بحر السكات جوة الميدان هاج وثار رافع شعار

ليلنا الطويل لابد يمشى ولابد يطلع له نهار

مصر السباعى ويا الرفاعى وعم جاهين

عرفتوا مصر تبقى مين ؟

مصر مين ؟ مصر مين ؟ مصر ديه تبقى مين ؟

مصر الهرم مصر الآثار مصر الحضارة والإفتخار

مصر دى أمى وأبويا  مصر دى أختى وأخويا مصر دى خالى وعمى

مصر دى ف وقت الخطر تمللى واقفة وشايلة همى

مصر دى دربى وطريقى مصر دى حبى الحقيقى

مصر دى شعاع نور تمللى جوه منى وقت ضيقى

مصر دى ابنى وبنتى مصر دى حبيبتى وصديقى

مصر دى عشق السنين

عرفتوا مصر تبقى مين ؟

مصر مين ؟ مصر مين ؟ مصر ديه تبقى مين؟

مصر فى القرآن سلام  مصر الأخوة والوئام

مصر دى حروف الكلام  مصر دى أرض السلام

مصر دى طبيب جه يداوى فى الجروح وقت الخصام

مصر دى هيكل وطه مصر دى شعراوى جاها

مصر دى طنطاوى يحمى بلدنا من كل اللئام

لحظة هروب المسجونين

عرفتوا مصر تبقى مين ؟