إنسانى يا أحلى سنين عايشة فى وجدانى
إنسانى يا أجمل بسمة فى عمرى وأغلى أمانى
إنسانى
مش راح أقولك يوم نرجع تانى
اتنين عايشين حاسين دايبين فى الحب بتجمعنا الأشواق
اتنين عاشقين وتالتهم مين غير قلب كتبنا من العشاق
ما هو أصل اللى يبيع ويخون هيكون صعب عليه تانى يكون
عاشق وحبيب
واللى بإديه طفالى شموعى وجرحنى ما حنش لدموعى
إزاى راح يرجع من قلبى ولقلبى قريب
لو تقدر تخلق من تانى قلب جديد ما فيهوش أحزان
وتجدد إسمى وعنوانى راح بكرة يجمعنا مكان
لو قلبك يقدر يداوينى من طول الهجر اللى كاوينى
كنت أقدر أسميك تانى غرامى وأنت يا روح قلبى تسمينى
لكن أعذرنى سامحنى إفهمنى وبلاش تجرحنى وتظلمنى
ماأقدرش أشوفك قدامى بتخونى بتبيع أحلامى
وتسمى هوانا ومشوارنا شهد لكن دايب فى مرارنا
قصة حزينة مرت بينا
ياما قاسينا منها ياما ياما بكيناها فى ليالينا
وتضيع بإديك أيامى
ساحة النقاش