العمر حدوته عايشينها جواها

ساعات نصدقها ونشتاق للقياها

وساعات تلاقينا عايشين فى ذكراها

وبين وجودها معانا ووجودنا وياها

تتجدد الأحلام تتبدد الأيام فى فرحها وبكاها

العمر مش كلمة مكتوبة نقراها

أو لوحة مرسومة وعيونا شايفاها

العمر دى معنى إذا تهنا يجمعنا

لو تهنا فى دروبنا نندهله يسمعنا

شاريينه شارينا بايعيينه بايعنا

العمر أمنية بإدينا مطوية جوانا منسية

كلمة فى صفحة فى حياتنا

صرخة تبدد سكاتنا

نبحث نفتش ندور عليها جوانا

أقرب لروحنا فى جروحنا وبرضه وحشانا